Bad Bramstedt – August 2013.
An’n 7. August 2013 weer dat wedder so wiet: Veerunveerdi lütte Jungs un Deerns wörrn in uns School inschoolt.
Mit grote Oogen, in Fierdagskledaasch un mit en grote Schultüt seten se bi uns in de schmückte Turnhall, Öllern un Grootöllern noch in’n Rüüch.
Rekter Brüchmann begrööt se hartli mit nette Wöör, un de Chor de schööne Leeder „Deutschland, deine Kinder“ un „Schritte wagen im Vertrau’n“.
Ok de beiden Lehrerinnen Fru Fischer un Fru Koch kunnst de Opregung ansehn.
Dat de neete Anfang för se ok noch söter warrn schull, kregen se ok en lütte Schooltüt.
De Klasse 4b mit ehr Lehrerin Gundula Brüchmann harr en nüdelich Theaterstück inöövt. All hebbt se bannt tokeken, so goot wör dat opföhrt.
De Fieer weer meist toenn, dor geev dat för Rekter Brüchmann noch en Överraschung: De Kinner tüdelten em en sülvern 25 üm den Hals un schenkt em en grote sülver Schooltüt mit ’n beten wat to naschen. Denn dat weer sien fiefuntwinnigste Inschoolung, de he as Rekter in düsse Schööl mokt harr.
